03/11/2017

Primièr cafè òc lo dimècres 8 de novembre als "Hauts parleurs" a la vila



En 2016, Patricia Pallier e Paul Fournier sortiguèron un libre sus la vida dins los masucs d'Aubrac : “142 jours dans un masuc de l'Aubrac” (ed. Grelh roergàs).
Paul Fournier, ancian montanhièr, i conta sa premièira estiva. Èra en 1949, aviá pas que quinze ans. Del 25 de mai al 13 d’octobre, pendent 142 jorns, aquelses òmes vivián sols al mièg de lor tropèl d’aubracs, atalats a la fabricacion de la forma d’Aubrac.
En mai del testimoniatge de Paul, Patricia Pallier pòrta un agach etnografic sus aquela aventura umana racontada al fial de las jornadas dels montanhièrs, de la molza a la forma en cava, ambe lo mestièr de cada òme, las distraccions raras, las datas importantas dins l’estiva, los moments complicats e los vams de fraternitat, sens oblidar la lenga mairala d’aquelses òmes : la lenga d’òc.

Dins sa conferéncia del 8 de novembre, Patricia farà un retrach de la vida d'aquelses òmes dins lor masuc, sus Aubrac.


 A 19h : aligot saucisse (Val mai reservar )

             tel : Francis : 05 65 29 93 11 
                     Gui : 05 65 81 22 57

A 20h30 : escambis amb Patricia e Paul

          e de cançons per acabar la serada.