2018 : Annada Bessou
OMENATGE A BESSOU (Francis ALET)
Al nom de l’ IEO del Vilafrancat te venèm saludar
Tu que n’i a cent ans t’en siás anat.
Benlèu que auriam degut nos calar,
Mès te saludam Bessou tu que guidas nòstre combat,
Tu que aviás cantat la beutat de nòstre terrador,
De sas castanhals, de sas estèlas e de sos prats.
Dins tos camins s’endralhan d’òmes reguèrlhes
Que benlèu sens aver legits D’al breç a la tomba,
Contunhan de far lusir nòstre Roergue,
E que fan retronir lors cants del puèg a la comba.
Mas perque los que sètz nascuts dins aquel païs
Perque renegatz vòstra cutura, vòstra lenga
A vos escotar aquò seriá per vosautres un fais
Mès avètz oblidats que l’alba totjorn perdura.
E n’as vist passar d’aiga jos aquel pont,
De còp en còp encara l’ausisses nòstra lenga,
Mès mai d’un se trufan de nosautres en amont
Nosautres sabèm pron que nòstra lenga los desrenga.
Dempuèi siás aquí sus aquela plaça de San Joan,
Tu que aviás lo biais de nos contar la tèrra e lo cèl,
N’as vist passar de monde e de fieirals plen de paisans.
Encara aquò’s tu que per avançar nos fas pordèl
Lo lauraire que èras a dobèrt la règa,
La davalada es aquí, cal cuèbre e semenar.
Deman benlèu a la prima verdejarà la glèba.
Qual sap per qual lo gran de las meissons rajarà deman ?
Francis Alet
Estatua de Justin Bessou, plaça Sant Joan, V de R. (dessenh de Gui D.)